ابھرتا ہوا ستارہ، شاہین شاہ آفریدی

aiksath.com.pk

قومی ٹیم کا ابھرتا ہوا ستارہ، شاہین شاہ آفریدی

ایک زمانے میں پاکستانی کھیلوں کا آسمان روشن ستاروں سے بھرا پڑا تھا جنہیں تسخیر کرنا بڑے بڑے سکندروں کے بس سے باہر ہوتا تھا، رفتہ رفتہ زوال کے بادل چھائے تو ان ستاروں کی چمک بھی مانند پڑنے لگی۔

قومی ٹیم کے حال پر غیرجانبدار اور مثبت نگاہ ڈالی جائے تو اب بھی چند ایسے کھلاڑی دکھائی پڑتے ہیں جنہیں ٹیم کا مستقبل کہا جا سکتا ہے۔ اور انہی میں سے ایک کھلاڑی شاہین شاہ آفریدی ہیں۔

کرکٹ مبصرین کہتے ہیں کہ قومی کرکٹ کی تاریخ میں ایک ہی وسیم اکرم ہیں لیکن 18 سالہ لیفٹ آرم پیسر کی ٹیم میں موجودگی وسیم اکرم کی کمی محسوس نہیں ہونے دیتی۔

لمبے قد والے شاہین شاہ آفریدی، چہرے پر معصومیت سجائے کسی بھی خطرناک کھلاڑی کے لیے خطرہ ثابت ہو سکتے ہیں۔